William Dunbar: The Flyting of Dunbar and Kennedy with Robert Henryson: The Praise of Age with Device, Prowess and eke Humility (Page 10 of 12)
(p.146) His grete wisedome myt not agayn the stand
Thou gert hym err in to his latter elde
Declyne his god. and to the mawmentis yelde
Sampson the forse strongest yt ewir was borne
Off manly forse throu the destroit was
Both his eyne blyndit and eke forlorne
Dauid that slew the gyant golyas
And mony mo. the quhilk I haue na space
For to reherse for lak of tyme and wit
And for grete labour thar fore I mon our sett
Thou devillis member thou cursit homycide
Thou tigir tene fulfild of birnyng fyre
Thou schryne secrete of stynkand voke & pride
Thou cocatras that with the sicht of thy ire
Affrayit has full mony a gudely syre
That efterward in warld had newir plesance
Grete god I pray to tak on the vengeance
In maidynhede sen was oure first remede
And fra the hevyn oure haly fader sent
The s_cund persone his sone in a god hede
To tak man kynde apon the maidyn gent
Clene of hir corse / and clenar of entent
That bure the barne quhilk couerit vs fra care
Scho being virgyn clenar than scho was are
Grete was the lust / that thou had for to fang
The frute vetit throu thy false counsailing
Thou gert mankynde consent to do that wrang
Declyne his god / and brek his hye bidding
As haly write beris suthfast witnessing
Tharfor thou fro the ioy of paradise
And thyne ofspring was banyst for thy vice
Explicit.
