Scotland/Scots > Scottish minstrel

17
OH ! GIN I WERE A BARON’S HEIR
Music by J. W. Holder. Key-note G.
On, gin I were a baron’s heir,
And could I braid vvi’ gems yer hair.
And mak ye braw as ye are fair,
Lassie, would ye luve me ?
And could I tak ye to the town,
And shaw ye braw sights mony a ane,
And busk ye fine in silken gown,
Lassie, would ye luve me ?
Or should ye be content to pruve.
In lowly life unfading luve,
A heart that nought on earth could muve.
Lassie, would ye luve me ?
And ere the lav’rock wing the skie,
Say, wad ye to the forest hie,
And work wi’ me sac merrilie,
Lassie, could ye luve me ?
And when the braw moon glistens o’er
Our wee bit bield and heathery muir,
Will ye na greet for ye’re sae puir,
Lassie, tho’ I luve ye?
For I hae nought to offer ye,
Nae gowd frae mine, nae pearl frae sea,
Nor am I come o’ hie degree,
Lassie, but I luve ye.
■
BRAW LADS O’ GALL.Y WATER.
Words by Burns. Key-note D.
Braw, braw lads on Yarrow braes.
Ye wander thro’ the blooming heather;
But Yarrow braes, nor Ettrick shaws,
Can match the lads o’ Galla water.
But there is ane, a secret ane,
Aboon them a’ I lo’e him better,
An’ I’ll be his, and he’ll be mine.
The bonnie iad o’ Galla water.
Altho’ his daddie was nae laird,
An’ tho’ I hae na meikle tocher,
Yet rich in kindest, truest love,
We’ll tent our flocks by Galla water.
It ne’er was wealth, it ne'er was wealth,
That coft contentment, peace, or pleasure;
The bands and bliss o’ mutual love,
0! that’s the world’s chiefest treasure.