Transcription
NEW SONG. AIR, - " Welcome Royal Charlie." Gude news we meet in ilka street, - " MACAULAY'S cause speeds rarely;" For ilka fae, twa friend's we hae, To crown MACAuLAY fairly ! CHORUS - Come a' thegither around him gather, And fast as freemen rally; Work might and main, that there be nane Aboon our ain Macaulay ! The Lyon race wi' brazen face Hae wrang'd him late and early; For a' the lees they adverteeze We'll crown Macaulay fairly ! Come a' thegither, around him gather, &c. The Lyon race stick every place Wi' slanders late and early; Their shameless sheets insults our streets, - Then crown Macaulay fairly ! Come a' thegither, around him gather, &c. The Lyon race our town disgrace, And prowl in't late and early; Wi' pious mouth, speak a' untruth - We'll crown Macaulay fairly ! Come a' thegither, around him gather, &c. Oh rare's the man in a' the Ian', That vows nae late and early The Lyon race awa to chace To Nick, their faither, fairly. Come a' thegither, around him gather, &c. Then pledge anew, whate'er we do To help him late and early ; Save Reikie's name frae warld-wide shame, And crown Macaulay fairly! Come a' thegither around him gather, And fast as freemen rally; Work might and main, that there be nane Aboon our ain Macaulay!
View Commentary | Download PDF Facsimile
|
|
Probable period of publication:
1830-1840 shelfmark: L.C.1268
View larger image
|