Transcription
An Accounts of the Comical Courtship between a Fishwife and a Haddie Carter, shewing what past while in the Steam-Boat between Newhaven and Musselburgh, and what happened after landing, how she went to see the shows, and what the Black Art Man told her, which was the beginning of her troubles, and the desperate Battle which was fought betwixt some fishwifes and her, on the Race course, with an account of a trick played her, and other awful misfortunes. THE following ludicrious scene happened at Musselburgh Races which can be given credit to, as it is written by an eye witness, who made one of the gay throng. Peggy ???, a weel kend fish-winch, wha daily sits in the market, except at times when her fish rins the dan- ger of being coudemed to the mid- den by the inspectors, then she is seen traversing the streets giving them the apellation of 'Caller Had- dies." She is about 26 years of age, never has been married, but ill-mind- ed foaks say, that she some time a- go, while disturbing the town's foaks in some of the months of the year that has an R in them, with the dis- agreeable cry of Whe'll buy Oysts' she had the misfourtune to tak a wee drappy past her guage oure muckle, and met in wi' a daft chield on the road as she gaed hame. As the road was Jang and wearisome a body's lace and it very Jate, Peggy was unco fain wi' the kind words the chield spake to her, and was happy to get sac guid a convey : away they set, but what befel them, or what they were about on the road, they ken best themsels, but what passed in the dark naebody saw, and it was far gane in the morning before she got name; in a wee while Peggy got unco fat, or elslins she put twa-three mair petticoats about her hurdiess, be that as it may, she went across the water to get cured of a dropsey, and some ill-tongued jades said it was to ly-in, but which o' the twa I'se no pretend to ken, for she soon came hame again quite cured. At this time she got the preference at ane o' the haddie carts, she being a smart good looking kimmer, and Sawny, the carter, taking a notion o' her, he made her count out the fish to the rest of her sisterhood, who seeing Peggy sae much in power, did na ken what was ill enough to say about her; but, at any rate, the bastard brat was cast up to her fifty times a-day; this didna hinder Sawny from liking her, for she made him believe it was spite to her. At this time Musselburgh Races was drawing apace, and Sawny was to tak Peggy to see them, he thought on asking his master for a cart and horse to gie her a ride out, but he was afraid the fishwives in Musselburgh wad rise a mob about them, for they did na Iike her aweel I wat, and ca'd her a' the limmers for takin awa the callan, poor thing, just to fether some mair o' her bastards ; and his ears rang ilka morn wi' stories made up about her, by the wives who had tappies o' daughters at hame ; Sawny thought it Was best to sail down in the Steam-boat, which was taking passengers from Newhaven to Mus- selburgh. On board they went, and got a snug corner to themsels, Sawny thought this was a bra time to court her, but. bashfu lad he coldna dae naething but look at her, indeed she is a sturdy wench, for there nane in a' the place coud lay curpen to creel wi' her, the fint a fellow in a' the place but she wad a laid on the breadth o' his back, and had a pair o' cheeks like a packman's doup ; he was cunning eneugh, however. to ack her if she had any gear gathered thegether, but she tald him plump down the gill stoup swallowed a' her savings, and he had got share o' money a ane, ' so thou's get nae mair tocher than gammon to gam- mon, blankets and sheets, twa cods, a ca'f bed and bowsters, wi' a auld and a new creel. This didna please Sawny oure wee], but he coud na draw back. and Peggy began to speer Whan the wedding was to tak place, aweel says Sawny I'll venture to tak ye, but ye maun tell me if the chield that gaed hame wi' ye frac Edinborough ever briddled ye, or taen a trying trotty o' ye, she assur- ed him o' the contrary. They then landed, and awa to the links they gaed, taking a' the bye-paths for fear o' being seen by some o' their gude friends o' the town ; they did- na mind the horses rinning muckle, but ay kept about the Show., and the up-aud-down things, which peg- gy wada liked to hae taen a ride in, but was feard the weans wad laugh at her. After getting a glass or twa (in some of Which a queer chap', who was ane o" the company, put a groat's worth o' the tincture o -allup.) they set off to see a man dealing in the Black Art, wi' cards, siller, and sic like, but waes me, this was the beginning of Peggys trou- bles, for the man said, he wad find out wha was married, and wha was- na ; and wha had weans, and wha hadna weans. So he showed them some of his hocus pocus tricks, and strange to tell, teld Peggy she had haen a wean, and wad hae anither before lang! how the Black Art body kend that, nae body coud gues, but any body that coud see as far into a whin stane as mason, coud hae guesed she wad hae anither soon, but Sawny never suspected any thing of the kind, poor man, he didna ken far to look ; and as bad luck wad hae it, there were some of the Mus- selburgh fish-wives in the show, and they werna lang in telling a Peggys fauts. Peggy condna stand this, but flew at them, then what a noise ! the showman cursing, mutches and hair fleeing, noses gushing wi' bluid, and wives squalling, amidst hundreds o" foaks laughing and halooing, but faith Peggy got about a'dozen o them down amang her feet, but waes me, wi the heat of fighting, the jallup began to rumble,'and ma conscience; a' that Peggy coud do, she coudna keep it within bounds, and just at the time she was standing triumph- ant on the tap o' them she had sae gloriously got the better o', Out the effects o' the purging burst, amidst repeated shouts o' the mob. Peggy, wi grief and shame sprang out frae amang the mob, and no ane coud lay saut on her tail. The poor fish- bodys, wi" their braws a bespattered made the best o' their way hame wi' hundred ahint laughing; and Sawny poor callan, made affat the beginning o' the hurley-burley, and I trow has heard enough about Pegggy to mak him determined never to see her again. Price One Penny.
View Commentary | Download PDF Facsimile
|
|
Probable period of publication:
1830-1840 shelfmark: L.C.1268
View larger image
|