Broadside ballad entitled 'The Auld Pair O' Tawse'

Transcription

THE AULD PAIR 0' TAWSE

Sung by HARRY LINN.

This Popular Song can always be had at the Poet's Box,
224 Overgate, Dundee.

Weel dae I remember when I was but a bairn,

The lickings that I used to get when I did ony hairm;

For mother she was very strict, though loving, kind and good,

She made me aye behave mysel', as a guid bairnies should,

But sometimes I'd forget mysel', and maybe brake her laws

Then I was glad to see her lift the Auld Pair o' Tawse.

                                 Chorus-

Sometimes she'd take her bauchel, sometimes she'd take the cane,
Sometimes she'd put me ben the room, and mak' me bide my lane;
Sometimes she'd take her open hand and clash me on the jaws,
I'd rather hae a licking wi' the Auld Pair o' Tawse.

The pair o' tawse my mither had were nice and saft and thin?
The puir auld body clipped them frae a piece o' auld sheepskin,
They were juist as licht's a feather, and sae little strength had she
That though she tried wi' a' her micht, she couldna hurt a flee ;

I'd roar and great, and stamp my feet,as if 'twas awful sair,

Then laugh just like to crack my sides when I got doon the stair.

I never liked to see my mother gang and lift the cane,
I hated when she put me ben the room to bide my lane ;
And when she took her open hand 'twas sure to bring the tears,

It made me think a thousand bells were ringing in my ears;

The only time that I felt glad, that's when I gave her ca use,
Was aye to see my mither lift the Auld Pair o' Tawse.

A LIST OF POPULAR SONGS.
Can always   be had at the Poet's Box.

The Midnight Express.
The Wanderer.
Fine Big Woman.
Down Among the Coals.
Sweet Seventeen.
The Auld House.
Mother's Parting Gift.
Comrades.
Death of Nelson.

Does thy Heart beat true to me ?
Don't put my Father's Picture

up for sale.
The Iron Horse.
The Little Green Leaf in the

Bible.

Down by the River I strayed,
The Night Maloney Landed in

New York.

previous