The Word on the Street
home | background | illustrations | distribution | highlights | search & browse | resources | contact us

Broadside ballad entitled 'Here's a Health to Aytoun!'


Here's a Health to Aytoun !

A New Song.
TUNE.?Carle an' the King come.

Here's a health to Aytoun,
Health and wealth to Aytoun ;
He's the man we understan'?
Here's success to Aytoun !

The Tories they have had their day,
The lang-tongued Whigs have said their say :
But Freedom now comes into play,
And cries ' Huzzah for Aytoun !'

Here's a health la Aytoun, &c.

Nae doubt the Whigs were for the Bill,
But yet to us they've nae gude-will;
But are the same whig tyrants still,
       and hate baith us and Aytoun!

Nor was it them that gained our cause.
But us ourselves, who clause for clause,
Aye keepit at them wi' the tawse,
Laid on by men like Aytoun !

And noo already may be seen
The unco difference between
What they've prosessed and what they mean,
Which isna lost on Aytoun !

The path, say they, to all is clear-
How do they mak the fact appear ?
They ask? thres hundred pounds a-year,
    From members sich as Aytoun !!!

And though that clause withdrawn may be,
Wi' mony a base and whig-like lee,
A moudewart itsel micht see
    "Twas aimed at us and Aytoun

Then how they shew their shameless face,
Dealing themselves in Jobs so base,
And yet abusing power and place,
       To humbug us and Aytoun

There's Abererombie who would rob
The Country by a vile Whig-Job,
And ca's the People "Aytoun's Mob"?
Yet he'd contend wi' Aytoun !

But mob or no, were no to toil
To mak a place-man's kettle boil,
And he maun e'en gie up the spoil,
If he wad stan wi' Aytoun.

For now CORRUPTION pleads in vain
The cause in which she pikes her Bane,
The combat she can ne' er maintain
Wi' Honesty an' Aytoun

There's Murray too, who's known to clear
A guid sax hundred pund a-year,
For doing?what doth not appear -
Must be shown up by Aytoun!

At Leith he's had the face to say,
'If I've the Pipe, yet I've to play'?
And that, in short, he Earnes his pay,
Like us or honest Aytoun!

But this he'd best have let alone
For in due time it shall be shown,
His PIPE like others,has its DRONE,
A Joke I got from Aytoun!

In short the Whigs beith far and near;
Though Pautriots they'd fain appear ,
They're ower weel kent amang us here
To pass wi' us or Aytoun.

Jeffrey himsel o' Whings the wale,
Is feckless,Fushionless,and frail,
And through the reek he'l hae his kail,
Gin he appear 'gainst Aytoun

Weel do we ken in time o' need,
Up yonder he cam little speed,
And this last clause has dune the deed,
as he shall hear frae Aytoun.

Then, brave Reformers stainch an' true,
The path o' honour still pursue,
The sacred cause depends on you,
Of Freedom and of Aytoun.

And you, Auld Reckie's dochters fair,
See that the RIBBON GREEN you wear,
For look around and tell me where
You'll find anither Aytoun.

Then here's a health to Aytoun,
Health, and wealth to Aytoun ;
I'll blythely gie my last bawbee,
To drink success to Aytoun

previous pageprevious          
Probable period of publication: 1830-1840   shelfmark: RB.m.143(038)
Broadside ballad entitled 'Here's a Health to Aytoun!'
View larger image

NLS home page   |   Digital gallery   |   Credits

National Library of Scotland © 2004

National Library of Scotland