The Word on the Street
home | background | illustrations | distribution | highlights | search & browse | resources | contact us

Broadside ballad entitled 'My Father's Old Coat'



This popular Song can always be had at the

There's puir wee Johnny Clark,

That Sells the News and Star,
He whistles and he sings,

And he paddles through the glaur;
And of a' the papersellers,

He's the blithest o' the lot,
If he'd only get a jacket,

Out his faither's auld coat.   

Then says Johnny tae' his mither,

Lod ! woman, I think shame,
You would think that I had, neither

Got a faither nor a hame ;

My claes are a' sae ragged,

No a hale steek hae I got,
Will you try and mak' me a jacket

Out o' my faithers auld coat

Johnny's faither taen a drappie,

As you maun understan',
A terror to his wife and weans

And a plague to a' the lan',
And by a' the neighbours he was often

Ca'd a drunken sot,
While his puir wee bits o' bairnies

Were neglected and forgot.

Johnny's mither she looked down
On her bairnie wi' a smile,

And saying my wee bit callan,

Oh its hardly worth my while;

But gang and sell your papers,
And be sure you sell a lot,

And I'll try and make a jacket
Out your faithers auld coat.

Noo the jacket it was made,
And a jacket unco braw,
It was a grand protectoin

Against the rain and snaw;
But the pouches in particular,

Was the thing Jock's mind did please
They could haud a stane o' taties
Wi' the greatest o' ease

previous pageprevious          
Probable period of publication: 1880-1900   shelfmark: L.C.Fol.70(31a)
Broadside ballad entitled 'My Father's Old Coat'
View larger image

NLS home page   |   Digital gallery   |   Credits

National Library of Scotland © 2004

National Library of Scotland