Scotland/Scots > Licht frae the smiddy o' Saunders Dinwuddie

A CHRISTIAN WORKSHOP. 47
sacrifices on the altar o’ Mammon. 0, but this
world’s scant o’ grace !”
“ When did it enter into your head and heart,
Saunders, to devise and execute such a queer and
eccentric scheme of benevolence ?”
“ Frae the time I becam’ an earnest Christian
man, Sir—no afore.”
“ Then, Saunders, do you judge them to be no
Christians who don’t do as you do ?”
“I judge nae man, Sir, but let the Richteous
Judge deal wi’ him. I follow, or at least try to
follow, the clear licht; no the blinkin’ licht o’ a
natural, but the clear shinin’ licht o’ a scriptural
conscience ; and sae, in my sma way, I try to mak’
my wark-folk content and happy. As my wark
grew on my hands—as I had sure profits and
weel-paid siller—I faund myseT growin’ rich. I
made a sililoquy, as ye ca’t—a speech to mysel’.
I said— ‘Noo, Saunders, beware o’ covetousness.
Ye’re beginnin’ to hoard up earthly treasure.
Remember Agur’s prayer, and dinna forget what
ye are—nae mair than ane o’ God’s stewards.
Let your men be sharers in your prosperity.
What for no ? Ha’e they nae bodies to be fed,
clad, and nourished as weel as yoursel’t Ye’re
the head, to be sure, and are they no the
members ? Their feet rin’ your errands ; their
hands work your wark ; their craft and cunning
as warkmen turn to your profit. Lang would it
be, Saunders, or your ain ten fingers would mak’
a fortune. They’re your ain flesh and bluid,
man, as Adam’s bairns ; ye be brethren. Just
sae. Weel, if the head thrive, will ye pinch the
members ? Na, na. ’ In this way I made up my