Glen Collection of printed music > Printed music > Jacobite relics of Scotland > [First series]

QUEEN ANNE. 71
But desperation's force
Will drive a wise man mad ;
And desperation's force
Has rous'd the good old yaud.
And whan ane desperate grows,
I tell ye true, Queen Anne,
Nane kens what they will do,
Be it a beast or man.
And first she shook her lugs.
And then she ga'e a snore,
And then she ga'e a reirde.
Made a' the smiths to giowr,
The auld wise man grew baugh,
And turn'd to shank away :
" If that auld deil get loose,"
Quo' he, " we'll rue the day."
The thought was hardly thought,
The word was hardly sped.
When down came a' the house
Aboon the auld man's head :
For the yaud she made a broost,
Wi' ten yauds' strength an mair,
Made a' the kipples to crash,
And a' the smiths to rair.
The smiths were smoor'd ilk ane,
The wise auld man was slain ;
The last word e'er lie said.
Was, wi' a waefu' mane,
" wae be to the yaud,
" And a' her hale countrye !
" I wish I had letten her rin,
" As wild as wild could be."
The yaud she 'scaped away
Frae 'mang the deadly stoure,