Glen Collection of printed music > Printed text > Songs of Scotland prior to Burns

WOO'D, AND MARRIED, AND A'. 209
Sic boxin', sic brawlin', sic dancin',
Sic bowin' and shakin' a paw ;
The toun was for ever in brulyies :
But now the lassie 's awa'.
Wooed, and married, and a',
Married, and wooed, and a' ;
The dandilie toast of the parish,
She 's wooed, and she 's carried awa.'
But had he a-kenn'd her as I did,
His wooin' it wad hae been snia' :
She kens neither bakin', nor brewin',
Nor cardin', nor spinnin' ava ;
But a' her skill lies in her buskin' :
And, O, if her braws were awa',
She sune wad wear out o' fashion,
And knit up her huggers wi' straw.
But yesterday I gaed to see her,
And, 0, she was bonnie and braw ;
She cried on her guidman to gie her
An ell o' red ribbon or twa.
He took, and he set down beside her
A wheel and a reel for to ca' ;
She cried, Was he that way to guide her ?
And out at the door and awa'.
The first road she gaed was her mither,
Wha said, Lassie, how gaes a' 1
Quo' she, Was it for nae ither
That I was married awa',
But to be set down to a wheelie,
And at it for ever to ca' ?
And syne to hae 't reel'd by a chieldie
That 's everly crying to draw.