Glen Collection of printed music > Printed text > Scottish ballads

a75
Than did the thunder 'gin to rair,
Than showered the rain and sleet.
Ae fire-flaught darted through the rain,
Where a' was dark before,
And glinted ower the raging main,
That shook the sandy shore.
And in that flash he might descry
The pale knight's spectre came —
Before the wind it flitted by,
Light as the white sea-faem.
Then mirk and mirker grew the night.
And heavier beat the rain ;
And quicker Lindsay urged his flight,
Some ha' or beild to gain.
Lang did he ride ower hill and dale,
Nor mire nor flood he feared :
I trow his courage 'gan to fail
When morning light appeared.
For having hied, the live-lang night,
Through hail and heavy showers.
He fand himsell, at peep o' light,
Hard by Caerlaveroc's towers.
The castle-bell was ringing out ;
The ha' was all asleer ;
And mony a screigh and waefu' shout
Appalled the murderer's ear.
Now they hae taen this traitor Strang,
Wi' curses and wi' blows ;
And high in air they did him liang,
To glut the carrion crows.