Glen Collection of printed music > Printed text > Scottish ballads

369
But the lovelie biyde o' Gallowa'
Sat wi' a wat-shod * ee.
Ilk breath o' wind 'mang the forest leaves
She heard the bridegroom's tongue ;
And she heard the brydal-coming lilt,
In every bird that sung.
She sat high on the tap tower stane ;
Nae waiting may was there ;
She lowsed the gowd busk frae her breist,
The kame frae 'mang her hair ;
She wypit the tear- blobs frae her ee,
And lookit lang and sair !
First sang to her the blythe wee bird,
Frae aff the hawthorn green ;
" Lowse out the love-curls frae your hair,
Ye plaited sae weel yestreen."
And the speckled wood-lark, frae 'mang the cluds
O' heaven, came singing doun ;
" Tak out thae bride-knots frae your hair,
And let the locks hang doun."
" Come, byde wi' me, ye pair o' sweet birds,
Come doun and byde wi' me ;
Ye sail peckle o' the bread, and drink o' the wine.
And gowd your cage sail be."
She laid the bride-cake 'neath her head,
And syne below her feet ;
And laid her doun 'tween the lilie-white sheets,
And soundly did she sleep I
* An eye brimful of tears, is said, in Dumfries-shire and Galloway, to
■wat-shod.