Glen Collection of printed music > Printed text > Scottish ballads

218
But aye she poued the other berry,
Nae thinking o' the skaith ; *
And says, " To wrang ye, Hynde Etin,
I wad be unco laith." f
But he has taen her by the yellow locks,
And tied her till a tree;
And said, '^ For slichting my commands.
An ill death ye sail drie I"
He poued a tree out o' the wood,
The biggest that was there ;
And he howkit a cave many fathoms deep.
And put May Margaret there.
" Now rest ye there, ye saucy May ;
My woods are free for thee ;
And, gif I tak ye to mysell.
The better ye'll like me."
Nae rest, nae rest May Margaret took ;
Sleep she gat never nane :
Her back lay on the cauld cauld floor.
Her head upon a stane.
" O tak me out," May Margaret cried ;
" O tak me hame to thee ;
And I sail be your bounden page,
Until the day I dee."
He took her out the dungeon deep ;
And awa wi' him she's gane :
But sad was the day a king's dauchter
Gaed hame wi' Hynde Etin.
O they have lived in Elmond's wood,
For six lang years and one ;
* Harm. t Very loath.