Sough o' war

34
BUNDLE AN’ GO ' \ .
It’s ‘ Bundle an’ go,’ an’ goodbye to the harrow,
Fareweel to the reaper, the rake an’ the ploo,
I’m throu’ wi’ the spaad, an’ the graip an’ the
barrow,
An’ naething will ser’ me but sodgerin’ noo.
Sodgerin’ noo.
The grieve canna haud me fae sodgerin’ noo.
I’m tired o’ the stable, its brushin’ an’ bleckin’,
O’ feein’ an’ flittin’, an’ cairtin’ my kist,
I’m weariet o’ sawin’, an’ sievin’ an’ seckin’,
I’ve seen my last lowsin’, I’m leavin’ to list.
Leavin’ to list.
As soon as I’m suppered I'm leavin’ to list.
The snaw’s lyin’ deep by the dyke faur it
driftit,
The Spring fan it comes will be cankert an’
weet,
The yokin’ half throu’ aye afore the mist's liftit.