Genealogy of the house and surname of Setoun

14 THE GENEALOGIE OF YE HOUS
OF DOUG ALL SETOUN. Cap. 1.
This Dougall Setoun was sone or oy, as appeirs, to him yat receauit first
ye surname, quha mareit Jonet Quintsey, doghter to Roger Quintsey,
Earle of Wintoun, constabule of Scotland, and was in ye time of Alex-
ander First, sone to King Malcolm Canmoir.
OF SEHER SETOUN. Cap. 2.
Seher Setoun succeidit to Dougall Setoun his father. Quhom he ma-
riet I find not certainlie, in na register of the hous. He was in the tyme
of King David, quha was saxt and youngest sone to King Malcolm
Canmoir, quha succeidit to Alexander his brother.
OF PHILIP SETOUN. Cap. 3.
Philip Setoun succeidit to Seher Setoun his father. He mareit Helene,
dochter to the Earle of Marche, and was in ye tyme of Malcolme the
Maydin, quha succeidit to King David his goodschir. This Philip
deit in ye 14 yeir of ye rigne of King Williame, quha succeidit to his
brother Malcolm ye Maydin ; and the said Williame gaue to this Philip
ane charter of new infeftment of ye lands of Setoun, Wintoun, and
Winchburgh, quhilk was auld heretage of befoir, as the said chartour
testifies, of the quhilk the tennor follouis.
Willielmus Dei gratia Rex Scotorum, Comitibus, Baronibus, Justi-
ciariis, vice Comitibus, totius terras suae, clericis et laicis, salutem. Sciatis
presentes et futuri me concessisse, et hac mea charta confirmasse, Philippo
de Setoun terram quae fuit patris sui, scilicet Seton, Wintoun, et
Winchburgh, tenend. sibi et heredibus suis de me et heredibus meis in