William Dunbar: The Tua Mariit Wemen and the Wedo (pp.177-188 in the volume) with William Dunbar: Lament for the Makars (pp.189-191 in the volume) with William Dunbar: Kynd Kittok (p.192 in the volume) with William Dunbar: The Testament of Mr Andro Kennedy (pp.193-196 in the volume) (Page 7 of 20)
(p.183) Vnto my persone
to be peir had pete nought grantit.
Bot mercy in to womanheid is a mekle vertu.
For neuer bot in a gentill hert is generit
ony ruth
I held ay grene in to his mynd that i of grace tuk
him
And for he couth ken him self i curtasly him
lerit
He durst not sit anys my summondis for or [t]he
secund charge
He wes ay redy for to ryn so rad he wes for blame.
bot ay my will wes ye war of womanly natur.
The mair he loutit for my luf ye les of him i
rakit
And eik yis is a ferly thing or i him faith gaif
I had sic fauour to that freke and feid syne for euer.
Quhen i ye cure had all clene et him ourcummyn
haill
I crew abone that craudone as cok that wer wictour.
Quhen i him saw subiect et sett
at myn bydding
Than i him lichtlyit as a lowne et lathit his maneris
Than woxe i sa vnmerciable to martir him
i thought.
For as a best i broddit him to all boyis laubour
I wald haif ridden him to rome with raip in
his heid
wer not ruffill of my renovne et rumour of pepill
And zit hatrent i hid within my hert all.
bot quhilis it hepit so huge quhill it behud out.
zit tuk i neuir ye wosp clene out of my wyde
throte
Quhill i oucht wantit of my will or quhat i wald
desir
bot quhen I seuerit had that syre of
substance in erd.
And gottin his biggingis to my barne et hie
burrow landis.
Than with a stew stert out ye stoppell of my hals
That he all stwnyst throu the stound as of a stele
wappin
Than wald I efter lang first sa fane haif bene
wrokin
That i to flyte wes als fers as a fell dragoun
I had for flattering of that fule fenzeit so lang.
Mi euidentis of heritagis or yai wer
all selit.
My breist that wes gret beild bowdyn wes sa huge
That neir my baret out birst or the band makin
bot quhen my billis et my bauthles wes all braid
selit
I wald na langar beir on bridill bot braid vp my heid.
