Robert Henryson: Orpheus and Eurydice with Robert Henryson: The Want of Wise Men (Page 4 of 20)
(p.152) The most famouse of all Arabia
A godesse duelt excellent of beautee
Gentil of blude callit memoria.
Quhilk iupiter that god to wyf can ta
And carnaly hir knew. quhilk eftir syne
Apon a day bare hym fair douchteris nyne.
The first in grew was callit Euterpe.
In oure langage gude dilectacioune.
the secund maide namyt melpomene
As hony suete in modulacioun
Tersitor quhilk is gude instructioun
Of ewiry thing the thrid sister I wis
Thus out of grewe in latyne translate is
Caliope that maidyn meruailus
the ferde sister of all musilk maistresse
And moder to the king sir Orpheus
Quhilk throu this wyf was efter king of trace
Cleo the fyft that now is a goddesse
In latyne callit meditatioun
Of ewiry thing that has creacioun
The sext lady was callit herato
Quhilk drawis lyke to lyke in ewiry thing.
The servynt lady was fair pollymyo
Quhilk coud a thousand sangis suetly syng
thelya syne quhilk can oure saulis bring
To profund wit and grete agilitee.
To vnderstand. and haue capacitee
Wranya the ix. and last of all
In oure langage quha coud it wele expounde
