Golagrus and Gawain with John Lydgate: Rhyme without Accord (Page 8 of 46)
(p.14) Quhen it drew to the dirk nycht and thday yeid doun
Thai plantit doun pauillonis proudly fra thine
Thus iournait gentilly thyr cheualrouse knichtis
Ithandly ilk day
Throu mony fer contray Holtis and hillis
Our the montains pay
Thai passit in thare pilgrimage the proudest in pall
The prince provit in prese that prise wes and deir
Syne war yai war of ane wane wrocht with ane wal
Reirdit on ane riche roche beside ane riveir
With doubill dykis be dene drawin our all
Micht nane yame note with invy nor nyt thame to neir
The land wes likand in large and lufsum to call
Propir schene schane ye son seymly and seir
The king stude vesiand ye wall maist vailyeand to se.
On yat river he saw
Cumly towris to knaw Thretty and thre.
The roy rekinnit on raw
Apone that riche river randonit full evin
The side wallis war set sad to ye see
Scippis salande thame by sexty and sevyn
To send quhen yame self list in seir cuntre
That al thai that ar wrocht vndir the hie hevin
Micht nocht warne yame at wil to ische nor entre
Than carpit the cumly king with ane lowd stevin
yone is the seymliast sicht yat euer couth I se
Gif yair be ony keyne knycht yat can tell it
Quha Is lord of yone land
Lusty and likand Fayne wald I wit.
Or quham of is he haldand
