De regimine principum bonum consilium (Page 4 of 8)
(p.104) Quhat makis yis bot caytif creaturis
Quhilk couth newir counsale bot in covatise
Quhilk had newir hert nor heid till he honoris
Wenand no wy bot wrethitnes I wyse
Lord god quhar ar yer princis he of price
Quhilk one iustice set all thir erdly glore
And richit yam self et ther realme more et more
Thar suld newir caytife be counsale till a king
Ne king suld newir of his smal comptis knaw
Na wit of scantnes na of wrethit thing
Quhilk myt his hert to neid or mister draw..
All his delite suld be to keip ye law
For hie honour hie worschip et renoune
With wrethitnes restis newir in a personne
It is degrading till a kingis crovne
To mell wyth small wrechit besynes
Na with na tutlaris for to rouk na rovne
To lere to conquese gudis with scantnes
Nobilite suld mell bot wyth nobilnes
And specialie ye noble maieste
Suld newir be travalit bot in maters hie
For sic men counsalis ewir to covatise
The quhilk to law is mortale innemy
Gret covatise is marchand of iustice
Et ewir is redy law to sel et by.
Suld men sic be of yi connsales for yi
Na bere office quhar in yi honour lyis
Quhilk myt be botht fra iustice one yis wise
