Ossian Collection > Tuilleadh dhuilleag bho m' leabhar-latha mu chunntas mo bheatha anns a' Ghaidhealtachd

BHO M' LEABHAR-LATHA. 151
Darnley ann cuideachd. Anns an t-seòmar so tha 'n
leabaidh a chaidh ullachadh air son a' cheud Tearlach
'n uair 'thàinig e gu bhi air a chrùnadh 'n a rlgh air
Albainn. As a sin chaidh sinn do sheòmar cadail Ban-
rìgh Màiri bhochd far am bheil an t-sean leabaidh aice,
agus i air call an dath. Tha a bhascaid eudaich ann a
chuir Ban-rìgh Ealasaid a dh' ionnsuidh an siathamh
Elgh Seumas an. uair a rugadh e, agus am bocsa oibre a
bha aig Màiri. Tha sean obair ghrèis an crochadh air
an t-seòmar so agus air dithis bheag eile a tha 's na tur-
aitean ; b' e fear dhiubh a seòmar èididh agus 's ann 's
an fhear eile a bha i aig a suipeir le Eizzio 'n uair a
mharbh iad e. Tha mìrean de 'n t-sean obair ghreis a
b' abhaist a bhi' còmhdach nam ballachan a' crochadh
a nise an àite dhealbhan. Tha gach nì a tha i a' faicinn
cho taitneach le Beatrais, tha na h-uile nì a' toirt toil-
inntin dhi.
Chaidh mi a mach aig leth-uair an deigh choig
uairean ann an carbad fosgailte cheithir each. Bha
Beatrais, Leopold, agus Ban-diùc Eoxburgh leinn, agus
bha ditliis de luchd coimhid nan each agam a' mar-
cachd leinn, ghabh sinn tromh Canongate seann sràid
neònach agus na tighean cho àrd innte, agus an sluagh
a bu bhochda 'us a b' isle inbhe mu na dorsan. Chaidh
sinn seachad air Tigh lain Knox agus air togalaichean
neònach eile agus sios sràid a Bhanc, agus air adhart
gu ceann an ear sràid a' Phrionnsa. Is sràid mhaiseach
i le a bùthain mòra breagha agus a tighean òsda
eireachdail air aon taobh agus na gàraidhean air
an taobh eile agus tighean nan dealbh, agus na