Blair Collection > Eachdraidh Ioseiph, mhic Iacoib

10 EACHDRAIDH lOSElPH.
riusan 's ann a thachair coigreach air, neach
'nuair a chunnaic e òganach dreachmhor air
iomrall san fhearann a thainig am fagus, agus
thuirt e ris mar a leanas : " A f hleasgaich,
m'as math mo bheachd, is coigreach san àite so
thu, air seacharan an tòir air cuspair eiginn ; is
ann a mhuinntir na tire mise, agus m'as miann
leat e bheir mi dhuit gach fìosrachadh a tha 'm
chomas. 'Si toil De nach bi sinn mi-thlusail ri
coigrich, ach gu'n dean sinn dhoibh gach math
a dh'fheudas sinn. Dhrùigh deadh thairgs' an
duine air loseph, agus thuirt e gu macanta ris,
"A charaid, oir 's amhuil a tha do chainnt a'
cur an cèili 's ann a tha mi'n so san àm ag
iarraidh mo bhràithre, bu chòir a bhi dlù do'n
àite so ag ionaltradh an treuda, bithidh mi gu
mòr a'd' chomain ma dh'innseas tu domh c'àit'
a'bheil iad." " M'as iad deichnear mhac Israeil
a tha dh'easbhuidh ort," a' deir an coigreach,
" 's urrainn mis innse dhuit cion a chaidh iad,
oir bha mis' air ghnothach aca o chionn thri
làithean ; 's an uair a thuig iad gu'n d'f has an
t-ionaltradh lòm le'n treudaibh lionmhor, chuala
mi iad ag ràdh gu'n rachadh iad do Dhotan,
far an robh am pailteas feòir.
" M'as bràthair thusa do na daoine foghaint-
each sin, guidheam ort gabh tàmh maille riums'
an nochd, agus anns a' mhadainn imichidh tu d'an
ionnsuidh ann an sìth." Leis mar bha ciaradh
an f heasgair ann, ghabh e ri cuireadh caoimhneil
a' choigrich, agus ghabh e mu thàmh ann am
bùth a Chanàanaich. Air dha dol a chadal thain-
ig a bhruadair na bheachd, agus bha mòr thoil
aige ; gu'm biodh fios aige air am brigh ; ach