Broadside ballad entitled 'Tammy Draw in Yer Chair'

Transcription

TAMMY DRAW IN YER CHAIR.

Sung with gret success by J. G. ROY.

Copies of this Popular Song can had at 192 Overgate, Dundee.

PRICE ONE PENNY.

Noo, yae simmer's nicht I gaed oot for a
walk,
An' wis daunnerin' alang by a stream,
When a bonnie bit lassie I happened tae
meet,
She wis spreadin' oot claes on the green.
Weel, I stood an' I spoke, we'd a launch
an' a joke,
She was pleesent an' free ye mun ken,
Tae her doorstep I gaed, when tae me she
said,
Come, Tammy man, will ye come ben.

Spoken.-Wid I come ben. Noo, ye a' ken
the feeling that comes owre a chiel the first
time that he gaes intae his lassie's hoose.
Hooever, I gaed in an' sat doon on a chair
by the side o' the bed. She sat doon on a
stil by the side o' the fire. She never spoks
an' I aye answered her. After we had sat
that wie for aboot hauf an hoor, she turned
roun' tae me an' says-

Chorus.

Draw in yer chair-draw in yer chair,
Don't sit sae far back man, dinna sit there,
The comforts o' life wi' us come share,
Don't sit sae far back Tammy draw in yer
chair.

Noo, I first wis aboot tae draw in my chair,
When her mither she cam' tae the door.
An' the auld body look'd at me wi surprise
For she never had seen me before.
But she wisna' in lang when the lassie she
sprang
Tae her feet, an' she sune made me kent,
An' the auld body shook my airm nearly
oot,
Aye, an' nearly twa 'oors there I spent.

Spoken.- There's nae place a chap can
spen' an' 'oor or twa better than in his
lassies hoose- an' ye could even spen' a
bob or twa if ye like. Hooever, the tea
things were laid doon-the lassie wis at
the yae side, the auld wife at the ither
an' I wis aye at the side o' the bed, when
the auld wife looks owre at me this time
an says-

Noo, I gaed back an' furrit a twal-month
an' mair,
An' at last, gar, I made up my min'
That I ha'e a bit   wife for tae comfort my
life,
An' I kent she wis yin o' that kin',
Weel, merrit we got, but then the warst o't
I'd tae marry her mither as weel,
I wid never min' that if she'd jist keep her
chat,
But at times, gar, she'd anger the deil.

Spoken.-It's a very comfortable thing to
have in the house wi' ye-yer mother in-
law. I'll no say anything aboot her-as
the sang sings, " I'll leave ye tae guess
the rest, " but for a that, min' ye, I am
enjoying merrit life-because ye see merrit
men ha'e a deal o' privileges that you yong
men ken naething aboot, for instance, see
a young chap when he's gaun tae the kirk
on Sunday, he has tae gie some o' his wee
brithers or sisters a penny or tippence tae
brush his Sunday buits, a merrit man has
naue o that tae dae. No, for he never has
ony Sunday buits tae brush - an' some-
times they're feart tae brush their week
day yins for fear o' brushing the upper aff
the sole a' the gither. The are nice bodie.
the weeman-especially on the pay-days

When I gan in on the pay-day she'll say
tae the waens-" rin awa' ben the hoose
and let yer puir wearit faither sit doon,
then she'll turn roun' ta e me an' say

previous