The Word on the Street
home | background | illustrations | distribution | highlights | search & browse | resources | contact us

Broadside ballad entitled 'Huzza for Honest Aytoun!'





TUNE. ? The auld wife ayont the fire.

THE Whigs are vap'ring throug the toun,
Wi' Campbell, counsel o' the Croun?
As if a Lunnun lawyer loon
Could ere compete wi' Aytoun !
But na, there's naething they can gie me
Can wile me aff frae Bonny Jemmy?
They'd better just at ance gang wi' me
And poll for honest Aytoun !

They find they're blawin a cauld, cauld coal.
An' sae the threep we nou maun thole
That Jemmy ne'er will face the poll?
Our honest Jemmy Aytoun !
Oh ! sirs, what comfort can there be in
That dirty Whig-like trade o' leein ?
He'd face the poll though he were deein?
Gallant Jemmy Aytoun !

I heard him speak, and sae did you,
On Monday at The Waterloo?
Od ! yon's the thing to carry through
       A man like Jemmy Aytoun!
He shew'd us, wi' a warkman's skill,
How we've been cheated wi' THE BILL,
And that we'll never hae our will
Till we hae Jemmy Aytoun !

Then how he whuppit THE ATTORNEY,
Cummin aff his Lunnon journey !
I only wish that short-hand Gurney,
Had been there wi' Aytoun !
He shewed the man's a perfect cheat?
That a' he wants is just a seat?
" But he maun gang anither gate,"
Quoth honest Jemmy Aytoun.

" LEARMONTH and me will fecht it out,
" Though I will beat him beyond doubt;
" Sae nou you'll gang your ways and shout,

   Sae let us shout and let us sing,
And in the air our bannets fling,
Wi' three cheers for our gracious King ,
And three for Jemmy Aytoun!

previous pageprevious          
Probable period of publication: 1830-1840   shelfmark: RB.m.143(182)
Broadside ballad entitled 'Huzza for Honest Aytoun!'
View larger image

NLS home page   |   Digital gallery   |   Credits

National Library of Scotland © 2004

National Library of Scotland