The Word on the Street
home | background | illustrations | distribution | highlights | search & browse | resources | contact us

Broadside ballad entitled 'The Drunkard's Raggit Wean'



New Songs out every week.    Copies of this Popular Song can
always be had at Poet's Box, 224 Overgate, Dundee.

A wee bit raggit laddie gangs wan'ren thro' the street,
Wadin' 'mang the snaw wi' his wee hackit feet,
He's shiv'rin' i' the cauld blast, greetin' wi' the pain :
Wha's the puir wee callan ? he's a drunkard's raggit wean,
He Stan's at ilka door, and he keeks wi' wistfu' e'e,
To see the crood aroun' the fire, a' laughin' loud wi' glee ;
But he daurna venture ben, tho' his heart be e'er sae fain,
For he manna play wi' ither bairns?the drunkard's raggit

Oh, see the wee bit bairnie, his heart is unco fou,
The sleet is blawin' cauld, an' he's dreepit thro' an' thro';
He's spierin' for his mither, an' he winners whaur she's gane;
But, oh! his mither she forgets her puir wee raggit wean.
He kens na faither's love, an' he kens nae mither's care,
To soothe his wee bit sorrows, or kame his tauted hair,
To kiss him when he waukens, or smooth his bed at e'en;
An' oh ! he fears his father's face--the drunkard's raggit

O pity the wee laddie, sae guileless an' sae young,
The oath that lea's the father's lip 'ill settle on his tongue,
An' sinfu' words his mither speaks his infant lips 'ill stain ;
For oh ! there's nane to guide the bairn?the drunkard's
raggit wean.
Then surely we micht try an' turn that sinfu' mithers heart,
An' try to get his faither to act a faither's part;
An' mak' them lea' the drunkard's cup, an' never taste again,
Ah' cherish wi' a parent's care their puir wee raggit wean.


That can always   be had at the Poet's Box:?

Father O'Flynn                        Auld Quarry Knowe
Off to Philadelphia                Auld Hoose
He was only a Private Soldier        Auld Thing ower again
The Iron Horse                        Hatton Woods
Coal Jock                        Rocks o' Bonnie Gibraltar
Sailing, Sailing                Bleacher Lass o' Kelvhihaugh
Isle of France                        Braes o' Strathblane
The Convict Maid                Tinker's Wedding
It was gone                        Feeing Time
Road to Dundee                        Beggar Man
She was there                        &c., &c.

previous pageprevious          
Probable period of publication: 1880-1900   shelfmark: L.C.Fol.70(97a)
Broadside ballad entitled 'The Drunkard's Raggit Wean'
View larger image

NLS home page   |   Digital gallery   |   Credits

National Library of Scotland © 2004

National Library of Scotland