Wit & humour > Gentle shepherd

ACT I. SCENE I.
27
He that has just enough can soundly sleep;
The o’ercome only fashes fouk to keep.
ROGER.
May plenty flow upon thee for a cross,
That thou may’st thole the pangs o’ mony a loss !
0 may’st thou float on some fair paughty wench,
That ne’er will lout thy lowin’ drouth to quench,
Till, bris’d beneath the burden, thou cry dool,
And awn that ane may fret that is nae fool!
PATIE.
Sax guid fat lambs, I said them ilka elute
At the West-port, and bought a winsome flute,
O’ plum-tree made, wi’ iv’ry virles round—
A dainty whistle, wi’ a pleasant sound;
I’ll be mair canty wi’t—and ne’er cry dool,—
Than you, wi’ a’ your cash, you dowie fool!
ROGER.
Na, Patie, na ! I’m nae sic churlish beast,
Some other thing lies heavier at my breast;
1 dream’d a dreary dream this hinder night,
That gars my flesh a’ creep yet wi’ the fright
j